موقع مدينة جرمانا Jaramana City Website

السيد باسل الحناوي انت شو دخلك بهالقصص بعدين ليش حاططلي اسمك ومنصبك بالمشاركة تبعك .
يعني انت عم تنقل وجهة نظر المركز الثقافي بانشطة الهلال وللا وجهة نظرك .
اذا كانت وجهة نظر المركز فلازم تكون طريقة ردك محترمة اكتر ولازم تكون اخذ موافقات لحتى تنزل راي المركز بانشطة الهلال
اما اذا كان هذا رايك فيا ريت تشيل اسم المنصب تبعك من مشاركاتك .
وعلى كل الاحوال روح التهي بمركزك قبل ما تاكلوا الفيران يا مثقف

انا أسف
بس بصراحة مستغرب من طريقة الخطاب والحوار والألفاظ المستخدمة بين الهلاليين ومستوى الاحترام المتبادل بينهم ....

بدي اشكر احسن متطوعة بالهلال واحسن متطوع
المتطوعة هي سارة عبيد عندها الهلال الاحمر متل بيتها التاني وكلنا منثق فيها وبإخلاصها ومحبتها للهلال والله يعطيها العافية وبدي اشكر كل متطوعي الهلال وانتوا الفخر والعزة والمحبة للبلد .

ياريت كل واحد يحكي باختصاصو ويلي ما بيعرف كل شي لا يكذب ويفتري وبعدين بعتقد حفلة جمعت شي 70 متطوع وكرمت أمهاتهن هاد شي كتير مهم والحفلة نالت اعجاب الجميع مارح نجي نختلف على رأي المتطوعة القديمة يلي بجوز هي عندها خلاف خاص مع الشعبة وبس عم تنتظر لحظة فشل للشعبة وكل واحد دفع 150 ليرة لدخول الشخص الواحد وبغض النظر الشعبة شو دافعة سعر للهدية وللصالة والأكل عيب علينا نحكي ب150 ليرة واذا هي متطوعة عنجد فحتى لو الشعبة أخدت ال 150 ليرة كلها تبرع للشعبة فهي دفعت هال150 للسنة كلها فعييييييييييييب نحكي وانزلي يا متطوعة قديمة عالشعبة وواجهينا بهالحكي وأنا من الأشخاص يلي اشتغلو بتنظيم الحفلة وأنا سارة عبيد اذا بتتذكري اسمي

بس بدي قول كلمة:
يلي ما بيعرف الهلال شو شغلو بلا ما يحكي احسن!

اصلاً الهلال ماحدا بيعرف قديش المتطوعين عم يتعزبو مشان يرفعو راس جرمانا

شكرا على الايميل .. طيب قبلي الاضافة يلي بعتلك ياها لنحكي بس ..

شفت التعليق يلي بعتي من شوي
ممكن تحكيني على هاد الايميل:

هذا البريد الإلكتروني محمي من المتطفلين و برامج التطفل، تحتاج إلى تفعيل جافا سكريبت لتتمكن من مشاهدته

انا بالانتظار

انا بس حابة قول انو الهدية كتير حلوة
وانا مو متطوعة بس أختي متطوعة بالشعبة ولما جابت الهدية كتير عجبتني الجملة يلي مكتوبة عليا
(أمي سلام عليك وانت تعدين نار الصباح) جد مرتبة متلكون يا هلال .

و الله انا كتير متفاجئة انو في ناس مو عاجبتة الحفلة
لك حتى فقرة المطرب يلي كنا خايفين تنزع الحفلة طلعت من احلى الفقرات
شكرا كتير خلدون قسام وربيع منذر وايهاب المصري وسارة عبيد بيضتو وجهنا

كتير النشاط كان حلو
وناجح
شكرا لكل متطوع ساهم بانجاح هالحفل

مرحبا ..
انا يا جماعة المتطوع يلي كان مكلف بتنسيق نشاط حفل تكريم امهات المتطوعين بعيد الام لعام 2010 :

- بالبداية انا حابب قول انو فكرة الحفلة تم مناقشتا على مدار 3 اجتماعات اسبوعية متتالية للمتطوعين والفكرة لاقت موافقة كل المتطوعين الفاعلين بالشعبة عدا 3 متطوعات وانا مسؤول عن حكيي هاد لاني كنت مشرف على الاتصال الشخصي بكل المتطوعين والمتطوعات وتسجيل عدد الموافقين على النشاط بالشكل يلي صار في.
- انا بأكد على كلام "متطوع .. عنجد" يلي حكا في انو رسم دخول الحفلة كان فقط 150 عالشخص الواحد وبأكد انو ما تم طلب أي مبلغ زيادة او نقصان من أي حدا والاشخاص يلي كانوا مكلفين بالحفلة كانو فقط 3 اشخاص حضروا لجميع الاعمال الخاصة بالحفلة من تسجيل وتجهيز لاهيك هالكلام كتير دقيق .
- تأكيدا على كلام متطوع عنجد بالنسبة لتكلفة الحفلة انا حابب قول انو المبلغ يلي اندفع من الشعبة زيادة عن المبلغ يلي دفعو المتطوعين ليكون رصيد الحفلة كان ما بيتجاوز الخمسمية ليرة وعلى فكرة تم اعلان هاد الموضوع باجتماع المتطوعين الاسبوعي وحتى بأول اجتماع اعقب الحفلة من قبل منسق الشباب.
- الغاية الاساسية من الحفلة كان شكر اسر المتطوعين يلي عما يدعموا عمل ولادون ويقدروا وقتون وجهدون لدعم العمل الهلالي وبتوقع هاد الشي من الانشطة المجتمعية والاعلامية يلي بتدعم العمل الهلالي بشكل مباشر.
- يا جماعة نحنا لما بدنا نجمع تبرعات ما منستحي ولا منلف ومندور .. ومنقول للكل بدنا تبرع ومنقول ليش بدنا يا ه لانو عملنا واضح وجهدنا معروف.
- انا كتير آسف للغة المتبعة من قبلك يا "متطوعة قديمة" ولذكرك امور ما بتمت للحقيقة بصلة .. وبتوقع الموضوع في إلو اسباب شخصية الي رجاء يضل عملنا بعيد عنا ، هي في حال كان فيكي تكوني منطقية وحيادية بتقييم هالنشاط وانا بشك بهالشي.
- نقطة أخيرة.. بدل ما توجعي راسك بنقاشات وأخد ورد ، فيكي تنزلي لعنا وانتي أكيد عرفتيني متل ما انا بعرفك (ومنيح كمان) وانا براسي بخليكي تشوفي انو في لكل نقطة من حكيي دليل مادي بيغلق نقاشك بهاد الموضوع مع وعد مني بانو يكون الموضوع بيناتنا في حال ماعندك الشجاعة الكافية لتفتحي معي الموضوع على العلن من بعد كل هالحكي .

شكر خاص لإدارة هذا الموقع لتلقي جميع الأراء وذلك لتصحيح أي وضع يتم النقاش حوله لأن دائما كل شي يقابله شيئ معاكس فنجاح موقع جرمانا بتوجيه من إدارته وتلقي كل الأراء لأن ذلك دليل على الحرية والعزة في جرمانا وعدم التحيز لأي طرف يكون دليلا على الوعي والصدق ومعرفة الحقيقة وشكرا لكم

"ياشعبة الهلال انتي الفخر والعزة"
هي الجملة الوحيدة يلي زابطة بحكي المتطوعة
و الباقي إلى سلة المحذوفات .

الخورفة مشتقة من خاروف، ولغة هو حيوان أليف نستفيد من لحمه وجلده وحليب أنثاه
أما أديباً فتعتبر الخورفة مشتقة من الخوزقة، ويقال خورفوه أي خوزقوه، وللتلطيف تسعمل خورفة بدل خوزقة
ومعليش يا متطوعة قديمة خيرها بغيرها وانشالله السنة الجاية بكون إلك نصيب تحضري حفلة عيد الأم
وكل عام وأنت خارووووووف

ديما بيكون في لكل نجاح منتقدين وحاسدين مع الاستغراب اذا هالحكي صادر من متطوع موجود عارض الواقع وبيعرف شو الحقيقة
الهلال الاحمر رسم بفعالياتو ونشاطاتو المميزة خط جديد لعمل الجمعيات والمنظمات بجرمانا
وانا من الاشخاص يلي سمعوا بالحفلة وفكرة الحفلة وعنجد كان فيا لفتة حلوة تجاه الاسر يلي ولادا متطوعين بالهلال الأحمر.

أول شي.. ازا الواحد بدو ينتقد لازم يحكي حكي صادق وصحيح.. وما يعتمد الافتراء والكزب لمجرد الكزب ..
الاهم .. الحفلة كل يلي حضرووا كانوا بيعرفوا انو في هدية رمزية من الشعبة .. وعلى فكرة تكلفة هي الهدية اربع اضعاف المبلغ يلي حطيتي انتي والسعر لـ 60 قطعة يعني جملة ومع المراعاة لانو للهلال الأحمر !! فاليش الكزب ؟!
تاني شي.. الحفلة كانت رمزية لأسر المتطوعين ومو بقصد جمع التبرعات .. ولمعلوماتك تكلفة الحفلة كانت أكتر من المبلغ يلي وصل للشعبة من المتطوعين المشتركين بالحفلة .. فااا ليش الكزب ؟!
تالت شي .. رسم الدخول للحفلة كان 150 ليرة سوري للشخص الواحد مو 800 متل ما حضرتك مفترية
وازا انتي حدا مدفعك 800 عالشخص بيكون بصريح العبارة مخورفك (مشتقة من خاروف) مع أني بشك انك من المتطوعين أو المتطوعات يلي حضروا الحفلة .
رابع شغلة وأخيرة .. تسلميلي شو بتفهمي بالصليب الاحمر واحتفالاتو . لك انتي بالهلال مو عرفانة الله وين حاطك !
فاااا تاني مرة بس بدك تكزبي حاولي تكزبي كزبة تتصدق .. لانو ما ضل حدا غبي هالأيام ... غيرك.

يا شعبة الهلال الأحمر انت الفخر والعزة الهدايا اشتريناها بمصرينا دفعنا حق دخول الحفلة 800 ليرة على الواحد بقى لا تقولوا إنو شعبة الهلال يلي هدت أمهات المتطوعين هدايا بس الهدية حقها 50 ليرة والباقي وين راحوا (كمان تطوع بالمصاري؟ قرروا يا نطوع بالمصاري أو بالشغل ) متطوعة تسأل من يجيب؟ أول ماا تصلتوا فينا مشان الحفلة فكرناها على حساب شعبة الهلال الأحمر بس طلعت على حسابنا وطلعت شعبة هلال الأحمر ببياض الوجه يا ريت تتعلموا من الصليب الأحمر كيف احتفالاتن