طويت صفحة استملاك المدينة الرياضية في جرمانا وانتهى دور المطالبة في ذلك، وبدأ حلم الرياضيين يكبر اتجاه رؤية مدينة رياضية متكاملة، لكنها لا تزال حديث الناس في جرمانا بعد تنفيذ الاستملاك. فقد امتلأت الوسائل الإعلامية بالتحقيقات والصور، ولم ينتهِ كيل الاتهامات وإطلاق الشائعات.
وكانت شبكة الانترنت الأكثر اتساعاً لهذه الأمور فاستوعبت الكثير من التحقيقات والآراء والتعليقات، وكالعادة يخضع هذا الأمر إلى الكثير من الاعتبارات، فمنهم من أجرى التحقيق المتكامل وفق نظرةٍ صحفية منهجية، ومنهم من تجنى على الأمر من خلال تبني وجهات نظر أحد الأطراف دون غيرها، وكانت معظم التعليقات والآراء قاسية وأتت في ذلك الإطار، لكن منها من تجاوز تلك الحدود، ووجه الإهانات وقام بالتشهير ببعض الأشخاص، فأساء أيضاً للموقع الذي عبر عن رأيه من خلاله... كل هذه الأمور التي حدثت، كان من الممكن تفاديها في بلد اعتدنا فيها على معالجة الأمور بحكمة بالغة، لكن هذا الذي حصل وللأسف.
(جرمانا الرياضي) وخلال أعدادها الماضية، كانت دوماً تواكب هذا الموضوع، ورغم أنها كانت تتبنى المطالبة بالمدينة الرياضية وترى وجودها حاجة ملحّة وضرورية في مدينة يزيد عدد سكانها عن الثلاثمائة ألف نسمة، إلا أنها كانت في الوقت نفسه تقول لابد من إيجاد الطريقة المناسبة لتخفيف الضرر عن أصحاب العقارات المستملكة.
ولكي نضع بعض النقاط تحت المجهر، توجهت (جرمانا الرياضي) إلى رئيس النادي ووضعت أمامه أكثر من تساؤل حول دور النادي في عملية تنفيذ الاستملاك، وحول عائدية المدينة الرياضية، ومن المستفيد منها، وإذا كان النادي مستفيداً فما هي درجة الاستفادة؟... فماذا قال السيد وليد القاق رئيس نادي جرمانا الرياضي؟:
.. كانت إدارات النادي السابقة والحالية تطالب وتضغط من أجل تنفيذ استملاك المدينة الرياضية وإخلاء الشاغلين لهذه العقارات، بالتعاون مع جميع الفعاليات في المدينة والمحافظة، وهذا حق مشروع لكافة الرياضيين الذين يحلمون بوجود مكان يمارسون عليه أنشطتهم المختلفة. وفي الوقت نفسه كانت المساعي جارية لتخفيف الضرر عن المتضررين، وهنا يتوجب تقديم الشكر للسيد المحافظ ومدير المنشآت الرياضية ورئيس مجلس المدينة لمساهمتهم بإعطاء شريحة سكنية للمتضررين، كما يتوجب تقديم الشكر الخاص لأصحاب العقارات المستملكة من أهالي جرمانا لتقبلهم الإخلاء بكل مودة ودون أية مشاكل، ويجب على المجتمع الأهلي في جرمانا الوقوف إلى جانبهم من أجل حل الخلافات العالقة بين الأطراف أصحاب الشأن من المتضررين للحصول على حقوقهم.
بالنسبة لموضوع الاستفادة من المدينة الرياضية بعد إقامتها على أرض الواقع، نوضح بأن المدينة وإن كانت مركزية، إلا أن النادي يستطيع ممارسة جميع أنشطته الرياضية بكل الألعاب ولجميع الفرق وفي كل الأوقات. خاصةً وأن هذا الصرح سيكون نموذجياً من حيث البناء والملاعب والصالات، وحتى في المجال الاستثماري سيكون للنادي حصة.
ولابد من التوضيح، بعد الكلام الذي يقال في أوساط المدينة بأن المركز الرياضي لن يكون ملكاُ للنادي، بأن هذا المركز ما كان سيبنى لو لم يوضع ضمن خطة الدولة، وهذه مسألة تمت بجهود جبارة من مدير المنشآت الرياضية في المحافظة. فالنادي لو استلم الأرض على المخطط وتولى عملية البناء، فكم من المال والوقت سيحتاجه لإتمام الإنشاء؟ بالتأكيد عشرات السنين، لأن الجميع يعلم، بأن الاتحاد الرياضي لا يقدم الإعانات للأندية من أجل بناء المنشآت إلا بحدود ضيقة وعلى سنوات طويلة جداً.
وهذه المهمة كإنشاء وصيانة، أنيطت بمديريات المنشآت الرياضية بالمحافظات وتتبع لوزارة الإدارة المحلية. ومن هنا بذلت جهود كبيرة من أجل إدخال المدينة الرياضية ضمن خطة الدولة، وكان للرفيق مصعب الحلبي اليد الطولى بهذا الإنجاز، وأقول إنجاز لأن تكلفة هذا الصرح ستصل إلى ما يقارب الثلاثمائة مليون ليرة سورية، وتم إدراجه ضمن الخطة الخمسية القادمة. فهل يستطيع نادي جرمانا تأمين هذا المبلغ الكبير؟ أظن أنه من المعجزات قبل 100 سنة. بينما إن شاء الله ستكون المدينة الرياضية على أرض الواقع خلال خمس سنوات على أبعد تقدير.
بالنسبة لموضوع الاستثمارات، فقد بات معروفاً للجميع، بأن حصة الاتحاد الرياضي العام هي 90% وحصة مديرية المنشآت 10% وبالتالي ستكون الحصة الأكبر للأندية من ضمن حصة الاتحاد (90%) لتستطيع ممارسة نشاطاتها بأريحية وهذا هو المهم لأنه عصب النادي، ونؤكد مرة أخرى بان النادي سيكون المستفيد الأول والأخير من هذا المركز الرياضي الذي سيشاد على أرض المدينة الرياضية في جرمانا.
أخيراً أقول أن بوادر المركز الرياضية قد بدأت، وها هو ملعب كرة القدم وصل إلى مراحل متقدمة من العمل وسيكون إنجازه قريباً جداً. ونحن كإدارة سنقوم بوضع خطة شمولية للنهوض بواقع لعبة كرة القدم، تبدأ من القواعد من أجل إعداد جيل من اللاعبين على مستوى كبير وعالي من المهارة والأخلاق الرياضية، وسنعمل على توجيه الدعوة إلى جميع كوادر كرة القدم بعد الانتهاء من الملعب لنستفيد من جميع الأشخاص الذين لديهم الخبرة في العمل الإداري أو التدريبي على أمل إعادة الألق إلى هذه اللعبة وإلى ما كانت عليه سابقاً.
.. شكراً لرئيس النادي على هذه الإيضاحات، وتأمل (جرمانا الرياضي) أن تكون قد ساهمت في توضيح بعض النقاط الغامضة، وتعدكم بمتابعة الموضوع في العدد القادم، على أمل أن نتلقى من القراء الكرام كل ما يدور في الأذهان من تساؤلات واستفسارات.
نادي جرمانا
اخبار نادي جرمانا الجديدة هنا
التعليقات المنشـورة تعبر عن رأي كاتبها وليس للموقع اي علاقة بها
التعليقات (36)
أرسلت بواسطة ابو عبدو الاخرس, أكتوبر 22, 2010
اكيد محافظ ريف دمشق عرف لعبة مسؤلين النادي الرياضي وبلدية جرمانا واول الطريق طرد رئيس الاتحاد الرياضي بريف دمشق يمكن مصعب الحلبي ورح يفتح تحقيقات -
أرسلت بواسطة شبل قام على الفساد .. , يونيو 29, 2010
بالبداية بحب ذكر انو انا من لاعبين النادي الرياضي الرائع في جرمانا وبحب احكي انو بحياتو النادي ماكان لأهل البلد أو خايف على مصالحها مشـــــان هيك بوجه كلامي للأستاذ الأنيق وليد القاق يلي مابعرف شلون صار رئيس نادي غير بالواسطة ولحتى يكمل الي عملو مصعب الحلبي ...من قبلو
وبالنشبة للمنشأة الرياضية باسمي وتقريباَ باسم كل شباب جرمانا الرياضيين الحقيقيين والي ماحدا اخد رأيهن بالموضوع نحنا من نستغني عن هيك منشأة رح تقام على ظهور أهلنا وحبايبنا ولـــو فينا نستغني عن الإدارة الرياضية مارح نقصر وبتمنى انو اذا في حدا بدو يشتغل شي على ارض الواقع يكون استفتاء للرأي بخصوص الشي الي صار يعني لتشوفوا بس انو الموضوع صار غصب عن الأهالي ومو بكيفون .
وبالمناسبة بحب بشركن إنو هالمنشأة بس لتكمل رح تكون منشأة تجارية مو رياضية ومارح يكون فيهـــــا لأبناء جرمانا غير دفع المصاري لحتى يقدروا يمارسوا النشاطات الرياضية فيها .
وبالأخير حابب وجه سؤال لرئيس النادي الموقر .؟؟؟
سأل حالك ليش لعيبة النادي عم يطلعو وانا بدي اسألك ليش (إخراج القيد )تبع كل لاعب قديم عم تسيطرعليه وماعم تخلي الاعب يشوف مستقبلو بعيد عن وشك .....
وبالنشبة للمنشأة الرياضية باسمي وتقريباَ باسم كل شباب جرمانا الرياضيين الحقيقيين والي ماحدا اخد رأيهن بالموضوع نحنا من نستغني عن هيك منشأة رح تقام على ظهور أهلنا وحبايبنا ولـــو فينا نستغني عن الإدارة الرياضية مارح نقصر وبتمنى انو اذا في حدا بدو يشتغل شي على ارض الواقع يكون استفتاء للرأي بخصوص الشي الي صار يعني لتشوفوا بس انو الموضوع صار غصب عن الأهالي ومو بكيفون .
وبالمناسبة بحب بشركن إنو هالمنشأة بس لتكمل رح تكون منشأة تجارية مو رياضية ومارح يكون فيهـــــا لأبناء جرمانا غير دفع المصاري لحتى يقدروا يمارسوا النشاطات الرياضية فيها .
وبالأخير حابب وجه سؤال لرئيس النادي الموقر .؟؟؟
سأل حالك ليش لعيبة النادي عم يطلعو وانا بدي اسألك ليش (إخراج القيد )تبع كل لاعب قديم عم تسيطرعليه وماعم تخلي الاعب يشوف مستقبلو بعيد عن وشك .....
أرسلت بواسطة ÛÕä ÇáÈÇä ÇáÌÑãÇäíÉ, يونيو 26, 2010
اسمحولنا : اللي بيشوغكن مستقتليين على اخلاء المالكيين وبيسمع تصريحات برجيس بيقول تاني يوم رح يبدا الحفر والتنفيذ -مسرعيين لرفع الرياضة الجرمانية وبلكي بتلحقوا المونديال القادم =
أرسلت بواسطة غصن البان الجرمانية, يونيو 22, 2010
اكذب شعار ابتدعته اميركا لتقهر العرب بالذات وصار يلولح العرب فيه عند الضرور - وصاروا متبغيين اللي عليك دوسها والي على غيرك حوسها مساكيين ياعرب كل شيء من الغرب بيبهرك
أرسلت بواسطة غصن البان الجرمانية, يونيو 22, 2010
نظرا لصدورمرسوم 59 لمنع المخالفات وقفت الرزقة وضاقت المعيشة على الجميع مكتب فني ورئيس بلدية والمحافظة المتواجد فيها السيد مصعب -وحل الضيقة ورصد وخطط لاستجرار 300 مليون ليرة سورية قابلة للزيادة بدون نقصان وبطريق قانوني بيلتراضي مع علي الحلبي ورفاقه- اذا جرمانا انهارت اخلاقيا فهل ستنشر الاخلاق غلى ارض الملعب وتنشف عنها ما لحق بها -خلى هل ملعب يفيد
أرسلت بواسطة amer, يونيو 03, 2010
layesh ya jaramana layesh al kel raked wara maslhato wa bas mahada rah ya3mil shi yfedek
أرسلت بواسطة مقيم في جرمانا , مايو 24, 2010
يا خســاره بلدة ( مدينة ) جرمانا كما سبق و قلتم صارت وكــر للدعاره و السكر و العربده و كازينوهات الليل في شارع النسيم و اهل جرمانا صاروا برا بح مافي اهل جرمانا اللي ساكن في جرمانا من اهل جرمانا غريــــــــب مثله مثل اي وافد شاوي عليها
و المشاريع و الاستثمار العقاري و الاسواق مو لأهل جرمانا و اللي عامل حاله كبير في مشروع المدينه الرياضيه ليست لأهل جرمانا مشروع خارج عن نطاق اهل جرمانا و حـاجي تقولوا اهل جرمانا و جرمانا و جرمانا . لانها صارت مثل ما قلتم وكر دعاره
سامحونا يا اهل جرمانا قال جرمانا قال
سلام يا ملفى الســجعان
و المشاريع و الاستثمار العقاري و الاسواق مو لأهل جرمانا و اللي عامل حاله كبير في مشروع المدينه الرياضيه ليست لأهل جرمانا مشروع خارج عن نطاق اهل جرمانا و حـاجي تقولوا اهل جرمانا و جرمانا و جرمانا . لانها صارت مثل ما قلتم وكر دعاره
سامحونا يا اهل جرمانا قال جرمانا قال
سلام يا ملفى الســجعان
أرسلت بواسطة جرماني قرفان , مايو 23, 2010
يا ماهر قسام
الله يرضى عليك . بعدين بتخبرينا قديشك قبضاي وقديش في بجرمانا نخوة , بس هلق مو أوانك , شكلك مو عرفان شي من شي بجرمانا , روح التهي بشغلك وحاجة مواعظ وعبر على العباد .عم تحكيني عن النخوات والمرجلة , اي العواض بسلامتك هذول ماتوا , وماعد في بجرمانا كتير من هالقصص بتعرف ليش , لانو ببساطة ماعد في رجال. وجرمانا الابية اللي على الشرف مبنية ولادا باعوها وصرفوا حقها . والرجال اللي رفعوا اسمها راحوا ومافي هلق غير السماسرة وتجار البشر والحجر والحرامية
ويا سيدي الله يباركلك الك ولغيرك بهالمنشاة العظيمة . وانشالله منبارك لكل اهل جرمانا الشرفاء بالصالة متعددة الاغراض اللي رح يصيرلا 20 سنة ما حدا ( انتخى ) واشتغل فيها .على كل انا بنصحك تروح تسأل ليش توقفت هي الصالة وشو كان رح يصير فيها لو اكتمل بنائها
الله يرضى عليك . بعدين بتخبرينا قديشك قبضاي وقديش في بجرمانا نخوة , بس هلق مو أوانك , شكلك مو عرفان شي من شي بجرمانا , روح التهي بشغلك وحاجة مواعظ وعبر على العباد .عم تحكيني عن النخوات والمرجلة , اي العواض بسلامتك هذول ماتوا , وماعد في بجرمانا كتير من هالقصص بتعرف ليش , لانو ببساطة ماعد في رجال. وجرمانا الابية اللي على الشرف مبنية ولادا باعوها وصرفوا حقها . والرجال اللي رفعوا اسمها راحوا ومافي هلق غير السماسرة وتجار البشر والحجر والحرامية
ويا سيدي الله يباركلك الك ولغيرك بهالمنشاة العظيمة . وانشالله منبارك لكل اهل جرمانا الشرفاء بالصالة متعددة الاغراض اللي رح يصيرلا 20 سنة ما حدا ( انتخى ) واشتغل فيها .على كل انا بنصحك تروح تسأل ليش توقفت هي الصالة وشو كان رح يصير فيها لو اكتمل بنائها
أرسلت بواسطة رغد, مايو 18, 2010
إنت متفائل... ..كتييير.!!!
بس مع إحترامي لإلك انا شايفة إنو إنت يلي عايش برات البلد ....بتعرف ليش؟؟؟!!!
لإنو كل أهل جرمانا عرفت شو صار بأهلك بيت أبو رسلان إلا إنت !!! ......وينك أنت؟؟!!...وشوعبتستنا؟؟؟!!..
يمكن ما شفت سيريا نيوز شونشرت!!!... ولا شفت قناة الدنيا الفضائية شوعرضت على شاشتها!!!!
بكرة بس يتدخل حقوق الإنسان ...بتدرى وبتتأكد على المظبوط....
سلام ...!!!!
بس مع إحترامي لإلك انا شايفة إنو إنت يلي عايش برات البلد ....بتعرف ليش؟؟؟!!!
لإنو كل أهل جرمانا عرفت شو صار بأهلك بيت أبو رسلان إلا إنت !!! ......وينك أنت؟؟!!...وشوعبتستنا؟؟؟!!..
يمكن ما شفت سيريا نيوز شونشرت!!!... ولا شفت قناة الدنيا الفضائية شوعرضت على شاشتها!!!!
بكرة بس يتدخل حقوق الإنسان ...بتدرى وبتتأكد على المظبوط....
سلام ...!!!!
أرسلت بواسطة ماهر قسام, مايو 18, 2010
ألى السيده رغد
انتي مابحقلك تقيمي بلد وتتهمي ربع اهل لبلد بعدم نخوه موضوعنا عن لقريه لاتخلو لموضوع يخرج عن المضمون .
وزا ماعندك اطلاع عن نخوت بني معروف وئهل جرمانا فيكي تسئلي لكبار من عندك وهن بيحكولك وبتفصيل انو جرمانا نخوه بدمها
خلونا نحكي ونتناقش عن لقريه بس بتمنا من كل يلي عندو تعليق يكون موضوعو بلقريه وزا بدكن تحكو عن غير كتبو موضوع بلمنتدا وشوفو تعليق علي.
مو بس انا يا اخة رغد بفتخر بهيك مشروع ببلدتي كل اهل جرمانا بيفتخرو بئي مشروع كبير او ظغير لنو هاد بيرفع رصيد لبلدة
وحاضارتها وهيك مشاريع بجرمانا نحنا بحاجتها ازا كانت لجرمانا ولا لئي مواطن سوري هاد شي لسوريا اولن وئخيرا
انتي عم تحكي انو في ناس تشردت ونزتت بشارع انا من عندي مابقبل انو يكون في هيك شي بجرمانا ولا حدا بيقبل بهشي ويئسفني انو يكون صار هيك شي رغم اني مو متكد بعد من يلي عم تحكي .
( بتمنا من لكل ماحدا يحكي عن نخوه بجرمانا وخليكن بمضمون الموضوع لاتخرجو منو)
بتمنا يكون مروري معكن مازعج حدا لنو انا اولن وخيرن ابن جرمانا وعندي غيره علا بلدتي
انتي مابحقلك تقيمي بلد وتتهمي ربع اهل لبلد بعدم نخوه موضوعنا عن لقريه لاتخلو لموضوع يخرج عن المضمون .
وزا ماعندك اطلاع عن نخوت بني معروف وئهل جرمانا فيكي تسئلي لكبار من عندك وهن بيحكولك وبتفصيل انو جرمانا نخوه بدمها
خلونا نحكي ونتناقش عن لقريه بس بتمنا من كل يلي عندو تعليق يكون موضوعو بلقريه وزا بدكن تحكو عن غير كتبو موضوع بلمنتدا وشوفو تعليق علي.
مو بس انا يا اخة رغد بفتخر بهيك مشروع ببلدتي كل اهل جرمانا بيفتخرو بئي مشروع كبير او ظغير لنو هاد بيرفع رصيد لبلدة
وحاضارتها وهيك مشاريع بجرمانا نحنا بحاجتها ازا كانت لجرمانا ولا لئي مواطن سوري هاد شي لسوريا اولن وئخيرا
انتي عم تحكي انو في ناس تشردت ونزتت بشارع انا من عندي مابقبل انو يكون في هيك شي بجرمانا ولا حدا بيقبل بهشي ويئسفني انو يكون صار هيك شي رغم اني مو متكد بعد من يلي عم تحكي .
( بتمنا من لكل ماحدا يحكي عن نخوه بجرمانا وخليكن بمضمون الموضوع لاتخرجو منو)
بتمنا يكون مروري معكن مازعج حدا لنو انا اولن وخيرن ابن جرمانا وعندي غيره علا بلدتي
أرسلت بواسطة أبو جاد, مايو 18, 2010
الله حي أصلك يا مدام رغد - كلامك بيداوي الجروح و صح 100% - خلي رئيس البلدية والسيد القاق يشوف التصويت
أرسلت بواسطة Tarek Al-lahaam, مايو 18, 2010
من بعد مراقبة كل التعليقات الي نزلت بموضوع المنشأة الرياضية ستنتجت انو ماحدا بيعرف شو قصة هل منشأة العظيمة
يا شعبنا السوري يا اهل جرمانا هل منشأة ما اجت لسواد عيونكن ,,,,, المنشأة كان مكانها بمنطقة السيدة زينب ,,,, المنشأة ما اجت الك يا مواطنا يا سوري المنشأة اجت مساعدة للشعب العراقي وبحكم عدم وجود مساحة كافية بالسيدة زينب و وجود خطة لمنشأة رياضية بجرمانا تم نقل مكان التنفيذ لجرمانا ,,,,, ولحتى تصير المنشأة الرياضية بعد كم سنة او كم شهر مابعرف حسب التنفيذ رح يكون في الكن اوقات لعب محدد وباقي الاوقات رح تكون (للاجئين) العراقيين وبيكفي مزايدة انو هل منشأة تعبو كتير حتى قدرو يقنعو الاتحاد الرياضي المصون انو يسويها بجرمانا يعني 300 مليون ممكن يكون هل رقم صحيح لان شركة اجنبية رح تنفذ وتشتغل وهية الي حطت الميزانية مو نادي جرمانا ولا الاتحاد الرياضي السوري
شكراً لكل مين علق بس ياريت تفهمو هل نقطة المنشأة الرياضية للعراقيين وليست للسوريين :(
يا شعبنا السوري يا اهل جرمانا هل منشأة ما اجت لسواد عيونكن ,,,,, المنشأة كان مكانها بمنطقة السيدة زينب ,,,, المنشأة ما اجت الك يا مواطنا يا سوري المنشأة اجت مساعدة للشعب العراقي وبحكم عدم وجود مساحة كافية بالسيدة زينب و وجود خطة لمنشأة رياضية بجرمانا تم نقل مكان التنفيذ لجرمانا ,,,,, ولحتى تصير المنشأة الرياضية بعد كم سنة او كم شهر مابعرف حسب التنفيذ رح يكون في الكن اوقات لعب محدد وباقي الاوقات رح تكون (للاجئين) العراقيين وبيكفي مزايدة انو هل منشأة تعبو كتير حتى قدرو يقنعو الاتحاد الرياضي المصون انو يسويها بجرمانا يعني 300 مليون ممكن يكون هل رقم صحيح لان شركة اجنبية رح تنفذ وتشتغل وهية الي حطت الميزانية مو نادي جرمانا ولا الاتحاد الرياضي السوري
شكراً لكل مين علق بس ياريت تفهمو هل نقطة المنشأة الرياضية للعراقيين وليست للسوريين :(
أرسلت بواسطة رغد, مايو 18, 2010
للأسف .....يمكن إنت مفكر إنو هي الحسابات م هي مجرد مسألة رياضيات بسيطة متل مسائل المدرسة بتنكتب وبينحط طريقة حلها..
............
ياأخ ماهر هي الحسابات معقدة كتير وكلها حسابات بجداول ... وهي مو سطر وألا اتنين وألا عشرة... لتنحط بالتعليق..
بس بدي ياك تكون متأكد إنت وغيرك إنو هاد المبلغ يلي ذكروه مبالغ في كتير....
وأنو هاد المخطط المنشور مو نفسو حينحط على أرض الواقع لإنو حيتصغر وزيد من باقي الأرض المستملكة محاضر تتنظم على الكرنيش لإلهن لإنو صار كتير متل هيك....
وإنت قلت إنك إنت وأهل جرمانا بتفتخر بهيك منشأة ...بس بدي إسألك سؤال ؟؟؟؟؟؟::
إنت وأهل جرمانا بتفتخروو لما حدى من أهل البلد الأصليين بينزت بالشارع وبشلحوا بيتو وأرضو وبضل بلا بيت ..بالوقت يلي في الأغراب عن البلد عايشين ببيوت جرمانا......؟؟؟؟!!!!
أنا كمهندسة ..ضميري وشرف مهنتي ما بيسمحلي إعمل هيك بأي إنسان حتى الغريب عن البلد....
كان مفروض يأمنو بيوت للعالم قبل مايهدولن بيوتن....!!!!
وعمتحكي عن النخوة والكرامة تبعيت جرمانا ....أنا مابدي إظلم حدى يمكن لسا في نخوة عند بعضن ..بس لما ربع أهل جرمانا أو أقل من ربعن بكون عندو نخوة ..فبيؤسفني قلك...: _ جرمانا خليت من أهل النخوة....
ياريت يا أخ ماهر تراجع حساباتك ..وتشوف نتيجة التصويت...
مع كل إحترامي.
............
ياأخ ماهر هي الحسابات معقدة كتير وكلها حسابات بجداول ... وهي مو سطر وألا اتنين وألا عشرة... لتنحط بالتعليق..
بس بدي ياك تكون متأكد إنت وغيرك إنو هاد المبلغ يلي ذكروه مبالغ في كتير....
وأنو هاد المخطط المنشور مو نفسو حينحط على أرض الواقع لإنو حيتصغر وزيد من باقي الأرض المستملكة محاضر تتنظم على الكرنيش لإلهن لإنو صار كتير متل هيك....
وإنت قلت إنك إنت وأهل جرمانا بتفتخر بهيك منشأة ...بس بدي إسألك سؤال ؟؟؟؟؟؟::
إنت وأهل جرمانا بتفتخروو لما حدى من أهل البلد الأصليين بينزت بالشارع وبشلحوا بيتو وأرضو وبضل بلا بيت ..بالوقت يلي في الأغراب عن البلد عايشين ببيوت جرمانا......؟؟؟؟!!!!
أنا كمهندسة ..ضميري وشرف مهنتي ما بيسمحلي إعمل هيك بأي إنسان حتى الغريب عن البلد....
كان مفروض يأمنو بيوت للعالم قبل مايهدولن بيوتن....!!!!
وعمتحكي عن النخوة والكرامة تبعيت جرمانا ....أنا مابدي إظلم حدى يمكن لسا في نخوة عند بعضن ..بس لما ربع أهل جرمانا أو أقل من ربعن بكون عندو نخوة ..فبيؤسفني قلك...: _ جرمانا خليت من أهل النخوة....
ياريت يا أخ ماهر تراجع حساباتك ..وتشوف نتيجة التصويت...
مع كل إحترامي.
أرسلت بواسطة ماهر قسام, مايو 18, 2010
ألى الأخة رغد المحترمه . بتمنالك تكوني مهندسه متميزه منشان نشوف حالنا فيكي بجرمانا
بس بفهم من كلامك انو انتي عملتي حساباتك وطلع معك انو لمبلغ 300 مليون كثير طيب ممكن تفصليلنا لحساب مو من شان شي بس من باب لمعرفه ولطلاع وجزاكي الله خير
بس بفهم من كلامك انو انتي عملتي حساباتك وطلع معك انو لمبلغ 300 مليون كثير طيب ممكن تفصليلنا لحساب مو من شان شي بس من باب لمعرفه ولطلاع وجزاكي الله خير
أرسلت بواسطة رغد, مايو 17, 2010
بالبداية بحب قلك إنو أنا رغد مو رغدان لحتى تقلي أخ...
وإي نعم أنا مهندسة ومهندسة مدنية كمان وتخصص مناقصات (يعني إختصاصي الحسابات ..إزا مابتعرف..) ورايحة وجاية كتير وبعرف هيك مشاريع شو بتكلف..... ولو إنو هلمشروع عمينعمل ببلاد برة كنت قلت إنو في وجهة نظر بسهاد عمينعمل بسوريا وحصرا بجرمانا يلي أسوأ مهندس فيها بيعرف كيف عمتتعمر ولو كان عمبكذب على حالو ....
وأكيد أنا حأعرف بتكلفة المشاريع أكتر من حضرتك و من وليد القاق يلي هو مجرد إستاذ رياضة مابيعرف بحساباتنا.....
سلام ..ومع كل احترامي
وإي نعم أنا مهندسة ومهندسة مدنية كمان وتخصص مناقصات (يعني إختصاصي الحسابات ..إزا مابتعرف..) ورايحة وجاية كتير وبعرف هيك مشاريع شو بتكلف..... ولو إنو هلمشروع عمينعمل ببلاد برة كنت قلت إنو في وجهة نظر بسهاد عمينعمل بسوريا وحصرا بجرمانا يلي أسوأ مهندس فيها بيعرف كيف عمتتعمر ولو كان عمبكذب على حالو ....
وأكيد أنا حأعرف بتكلفة المشاريع أكتر من حضرتك و من وليد القاق يلي هو مجرد إستاذ رياضة مابيعرف بحساباتنا.....
سلام ..ومع كل احترامي
أرسلت بواسطة أبو جاد, مايو 17, 2010
إلى أهالي جرمانا، سؤالي للجميع ...
هل أنتم مع الذي حصل ضد أهالي المتضررين؟؟
لو أن البلدية عوضت الأهالي تعويض عادل ... ما حصلت كل هالمشاجرة.. أعتقد والجميع يعتقد أننا في القرن الحادي والعشرون لكن للأسف بلدية جرمانا ونادي جرمانا الرياضي لم تصلهم بعد مصطلح حقوق الإنسان
حقوق الإنسان سوف يتدخل قريبا ...
هل أنتم مع الذي حصل ضد أهالي المتضررين؟؟
لو أن البلدية عوضت الأهالي تعويض عادل ... ما حصلت كل هالمشاجرة.. أعتقد والجميع يعتقد أننا في القرن الحادي والعشرون لكن للأسف بلدية جرمانا ونادي جرمانا الرياضي لم تصلهم بعد مصطلح حقوق الإنسان
حقوق الإنسان سوف يتدخل قريبا ...
أرسلت بواسطة ماهر قسـام, مايو 16, 2010
بس يا اخي تفائل بلخير تجده ولاتكون متشائم لهدرجه ازا خليت خربت.
أرسلت بواسطة جرماني قرفان, مايو 16, 2010
السيد ماهر قسام
تحية طيبة .
اسمح لي بداية ان اشكرك , ثم اخبرك عن الاسباب التي دعتني لان اسمي نفسي ( جرماني قرفان )
1- ربما انه واضح من اسمي انني من عائلات جرمانا التي مضى على وجودها مئات السنين في هذه البلدة وحين اصبح غريبا فيها لا اعرف احدا وليس لي حول ولا قوة في بلدتي فلابد لي حينها ان اصبح ( قرفان ).
2- عندما يذكر اسم جرمانا التي افتخر به مقرونا بابشع الكلمات وحين يصبح دفاعي عن هذا الاسم محاربة لطواحين الهواء لايغير شيئا فمن المؤكد انني ساصبح قرفان .
3- عندما يتحكم الصغار والمتنفذين والمسفيدين واللصوص بالبشر والحجر في جرمانا وتطلق عليهم صفات البطولة ويجلسون في الصفوف الامامية اينما حلوا ويكبروا ايضا ليصبحوا وحوشا تخيفنا وتتحكم بتاريخنا ومستقبلنا فهذا سبب لاكون قرفان
4- عندما تكبر جرمانا لتستقبل مئات الالاف من الوافدين وترمينا خارج حضنها على احزمة التعاسة والعشوائية فلا استطيع يا سيدي حينها الا ان اكون قرفان
5- عندما ارى ابناء جرمانا يغتصبونها ويبيعونها في كل يوم الاف المرات فهذا منظر كفيل بان يجعلني قرفان
6- عندما ارى امراة جرمانية في سنين عمرها الثمتنين تبكي على ذكرياتها في ذاك المنزل الذي سيصبح مسبحا او ملعبا عنده من المؤكد أني سابكي واصبح قرفان .
7- يا سيدي الكريم ببساطة الوضع في جرمانا سيء وبحاجة لحلول سريعة وكبيرة لايمكن ان تغطيها منشأة او غيرها
الوضع بحاجة لمحبة اكبر وصدق اكثر وربما الوقت ليس في صالحنا ويجب ان نبدأ سريعا .
وفي النهاية تبقى جرمانا هي الام والغالية والحبيبة والاكبر من كل الازمات ز
تحية طيبة .
اسمح لي بداية ان اشكرك , ثم اخبرك عن الاسباب التي دعتني لان اسمي نفسي ( جرماني قرفان )
1- ربما انه واضح من اسمي انني من عائلات جرمانا التي مضى على وجودها مئات السنين في هذه البلدة وحين اصبح غريبا فيها لا اعرف احدا وليس لي حول ولا قوة في بلدتي فلابد لي حينها ان اصبح ( قرفان ).
2- عندما يذكر اسم جرمانا التي افتخر به مقرونا بابشع الكلمات وحين يصبح دفاعي عن هذا الاسم محاربة لطواحين الهواء لايغير شيئا فمن المؤكد انني ساصبح قرفان .
3- عندما يتحكم الصغار والمتنفذين والمسفيدين واللصوص بالبشر والحجر في جرمانا وتطلق عليهم صفات البطولة ويجلسون في الصفوف الامامية اينما حلوا ويكبروا ايضا ليصبحوا وحوشا تخيفنا وتتحكم بتاريخنا ومستقبلنا فهذا سبب لاكون قرفان
4- عندما تكبر جرمانا لتستقبل مئات الالاف من الوافدين وترمينا خارج حضنها على احزمة التعاسة والعشوائية فلا استطيع يا سيدي حينها الا ان اكون قرفان
5- عندما ارى ابناء جرمانا يغتصبونها ويبيعونها في كل يوم الاف المرات فهذا منظر كفيل بان يجعلني قرفان
6- عندما ارى امراة جرمانية في سنين عمرها الثمتنين تبكي على ذكرياتها في ذاك المنزل الذي سيصبح مسبحا او ملعبا عنده من المؤكد أني سابكي واصبح قرفان .
7- يا سيدي الكريم ببساطة الوضع في جرمانا سيء وبحاجة لحلول سريعة وكبيرة لايمكن ان تغطيها منشأة او غيرها
الوضع بحاجة لمحبة اكبر وصدق اكثر وربما الوقت ليس في صالحنا ويجب ان نبدأ سريعا .
وفي النهاية تبقى جرمانا هي الام والغالية والحبيبة والاكبر من كل الازمات ز
أرسلت بواسطة ماهر قسام, مايو 15, 2010
بسم الله الرحمن الرحيم
1- انا مابعرف شي عن لمدينه رياضيه ولا عن اي شي بمجال رياضه لنو مابحبها
2- انا شايف انو كل واحد عم يحكي وبتوقع انو مش عارف شو عم يحكي بس لمجرد انو حكا او كتب ههههههه ونا بقصد علي عم يحكي عن نخوه ونا بنظري هو مابيعرف جرمانا منيح ولا بيعرف تاريخ جرمانا ونخوتها يلي كانت ناس تحسب الها حساب ومازال
وبتوقع انو مانو عايش مع ناس ولا متابع اخبار جرمانا يعني مانو معاشر بتوقع انو معزول لحالو عن لبشر
3- انا بنظري انو ازا بكون بجرمانا منشئه مثل هيك منشئه بكون شي كثير منيح للبلد وهاد شي نحنا اهل جرمانا منفتخر في
طيب ليش عم تحاربو بعض وتتهمو ناس بشغلات انا متكد انو مانكن متكدين منها
3- بتمنا من اهل جرمانا ويلي بحبو جرمانا وبغارو علا بلدتن وعلا نخوتن وعلا كرامتن لنو بلدك هي كرامتك كونو اكبر من هيك ولاتحاولو انو تنزعو سمعت لبلد بمجرد انو ماعوضوك او مائمنولك مسكن او او او او او او
4-غصن البان الجرمانية عم تقول جرمانا صارت وكر الدعارة والقمار والعرق ههههههههههههههههههههههههههه انتي شو يلي خلاكي تتكدي انو جرمانا هيك صارت ؟؟ ؟؟ ؟؟ ؟؟ ( جرمانا اكبر من مانتي متصوره )
5- رغد, عم يقول انو مانو مقتنع انو لمشروع مكلف 300 مليون طيب يا اخ رغد يعني حضرتك مهندس معماري او محاسب بمجال المشريع الضخمه لحتا عم تتهم العالم بلكزب
6- جرماني قرفان, منشو قرفان يغالي قرفان انو بلدتك راح يصير فيها مدينه ياصيه ولا قرفان من السيد وليد القاق رئيس نادي جرمانا للتجارة والعقارات حدد من شو قرفان ملاحظه هامه انا يلي بعرفو انو مصعب الحلبي متفرغ لنادي جرمانا يعني وقتو كلو لنادي علا حد علمي يعني لاتستغرب انو عندو وقت للقاءات
7- بتمنا انو يكون مروري مازعج حدا بس انا متلي متلكن ابن جرمانا ومابهين علي انو اسمع هيك حكي من دون اني علق علي ونا بحترم اراء الجميع وبتمنا لجرمانا الزدهار وتقدم وتطوير
1- انا مابعرف شي عن لمدينه رياضيه ولا عن اي شي بمجال رياضه لنو مابحبها
2- انا شايف انو كل واحد عم يحكي وبتوقع انو مش عارف شو عم يحكي بس لمجرد انو حكا او كتب ههههههه ونا بقصد علي عم يحكي عن نخوه ونا بنظري هو مابيعرف جرمانا منيح ولا بيعرف تاريخ جرمانا ونخوتها يلي كانت ناس تحسب الها حساب ومازال
وبتوقع انو مانو عايش مع ناس ولا متابع اخبار جرمانا يعني مانو معاشر بتوقع انو معزول لحالو عن لبشر
3- انا بنظري انو ازا بكون بجرمانا منشئه مثل هيك منشئه بكون شي كثير منيح للبلد وهاد شي نحنا اهل جرمانا منفتخر في
طيب ليش عم تحاربو بعض وتتهمو ناس بشغلات انا متكد انو مانكن متكدين منها
3- بتمنا من اهل جرمانا ويلي بحبو جرمانا وبغارو علا بلدتن وعلا نخوتن وعلا كرامتن لنو بلدك هي كرامتك كونو اكبر من هيك ولاتحاولو انو تنزعو سمعت لبلد بمجرد انو ماعوضوك او مائمنولك مسكن او او او او او او
4-غصن البان الجرمانية عم تقول جرمانا صارت وكر الدعارة والقمار والعرق ههههههههههههههههههههههههههه انتي شو يلي خلاكي تتكدي انو جرمانا هيك صارت ؟؟ ؟؟ ؟؟ ؟؟ ( جرمانا اكبر من مانتي متصوره )
5- رغد, عم يقول انو مانو مقتنع انو لمشروع مكلف 300 مليون طيب يا اخ رغد يعني حضرتك مهندس معماري او محاسب بمجال المشريع الضخمه لحتا عم تتهم العالم بلكزب
6- جرماني قرفان, منشو قرفان يغالي قرفان انو بلدتك راح يصير فيها مدينه ياصيه ولا قرفان من السيد وليد القاق رئيس نادي جرمانا للتجارة والعقارات حدد من شو قرفان ملاحظه هامه انا يلي بعرفو انو مصعب الحلبي متفرغ لنادي جرمانا يعني وقتو كلو لنادي علا حد علمي يعني لاتستغرب انو عندو وقت للقاءات
7- بتمنا انو يكون مروري مازعج حدا بس انا متلي متلكن ابن جرمانا ومابهين علي انو اسمع هيك حكي من دون اني علق علي ونا بحترم اراء الجميع وبتمنا لجرمانا الزدهار وتقدم وتطوير
أرسلت بواسطة غصن البان الجرمانية, مايو 01, 2010
رئيس بلدية انتوا اخترتوه وبتعرفوه بالسابق وهاق صار شيخ بده ياكل عن طريق بيت حماه والمحافظ ماحدا عم ينفذ قراراته -وجرمانا صارت وكر الدعارة والقمار والعرق -لوغريب عاملها معكم كان اجتمع بني معروف بس المنفذيين حرامية العصر وبمعرفت كل جرماني
أرسلت بواسطة ابن جرمانا, مايو 01, 2010
هاد اللقاء كتير مهم برأي لانو بفرجينا وين صرنا و الوقاحة بالاستخفاف بالعقول ،طبعا و بينطبق هاد الشي على كل شي بجرمانا من الوقف لمجلس المدينة الموقر يلي كلون بيشتغل بالعقارات للاستاذ ابو احمد منذر عضو مجلس الشعب الموقر ، بس الاهم هو نحن يعني هاد الحكي الالكتروني مهم بس لازم نعمل شي على ارض الواقع , مثلا نوقع عريضة تشملنا نطالب فيها بعزل بعض المتنفذين ، لانو التغير مو بس بالحكي لازم نضل ندق ابواب المشؤولين الكبار حتى تتحلحل الامور
لك النادي ساوو فيه كل شي الا الرياضة و الكل تلامذة المحامي الكبير مصعب الحلبي
لك النادي ساوو فيه كل شي الا الرياضة و الكل تلامذة المحامي الكبير مصعب الحلبي
أرسلت بواسطة جرمانية قرفانة, أبريل 28, 2010
بالإذن من جرماني قرفان بس ما قدرت إلا كون متلك بعد إلي عمنشوفوا ونسمعوا...!!!!
سؤال؟؟؟؟؟؟؟؟؟.....
-إسا هاد هو المخطط تبع المنشاة الرياضية ؟؟؟؟..!!!.. بسياترى هو نفسو رح يتنفذ على أرض الواقع؟؟؟؟!!!!
وألا رحيتلوفك متل غيرو ويتصغر ويطلعلكن من باقي الأرض إلي ماعليها منشأة محاضر تعمروها؟؟؟!!!!
بظن كلامي مظبوط .....والأيام حتسبت هالشي ياأهل جرمانا ...... لإنو صار متل هيك كتير .!!!.
اتزكروا كلامي منيح وشوفوا شو بصير بعد خمس سنين.....
انتبهوا ياأهل جرمانا من القادم......
سؤال؟؟؟؟؟؟؟؟؟.....
-إسا هاد هو المخطط تبع المنشاة الرياضية ؟؟؟؟..!!!.. بسياترى هو نفسو رح يتنفذ على أرض الواقع؟؟؟؟!!!!
وألا رحيتلوفك متل غيرو ويتصغر ويطلعلكن من باقي الأرض إلي ماعليها منشأة محاضر تعمروها؟؟؟!!!!
بظن كلامي مظبوط .....والأيام حتسبت هالشي ياأهل جرمانا ...... لإنو صار متل هيك كتير .!!!.
اتزكروا كلامي منيح وشوفوا شو بصير بعد خمس سنين.....
انتبهوا ياأهل جرمانا من القادم......
أرسلت بواسطة ابن هالبلد , أبريل 27, 2010
صحيح الي استحو ماتو
الله يرحم ايامك يا اديب بعكر ايام كنت مستلم ادارة النادي ورفعت نادي جرمانا من الارض للمرتبة الاولى
ايام كانوا اصحاب البدلات الرسمية عم يتباهو بنتائج عمل غيرهن و على حسابهن كمان.
الله يرحم ايامك يا اديب بعكر ايام كنت مستلم ادارة النادي ورفعت نادي جرمانا من الارض للمرتبة الاولى
ايام كانوا اصحاب البدلات الرسمية عم يتباهو بنتائج عمل غيرهن و على حسابهن كمان.
أرسلت بواسطة رغد, أبريل 27, 2010
يعني بدك تقنعنا إنو تكلفتو للمشروع 300 مليون ليرة .!!!
يعني الشغلة واضحة : !!بتجيبوا دعم عأساس 300 مليون وبتحطوا نصن بجيبتكن إي بجيبتكن
حاجتكن كذب على العالم هي المنشأة رحتعملوها منشان مصالحكن الخاصة (المعروفة للكل ) وخاصة" إنو في منها رزقة كبيرة...
مومنشان مصلحة الناس يلي الأغلبية منهن مابدهن ياها.....والدليل نتيجة توصيتن... ..واتأكد منها بعينك.
معقول مو خايفين على حالكن وعلى ولادكن من دعاوي الناس ...مو غريبة عليكن أبدااا""""
مسخرة فعلا""
أرسلت بواسطة ربا, أبريل 27, 2010
شكر من القلب لأحلى موقع
وبهنيكون على شجاعتكن لإنو عبتوصلوا صوت المظلومين للناس بدون خوف من حدى وعمقول شجاعة لإنو بهالأيام قليل لنلاقي حدى بوصل صوت مظلوم
نحنا معكن للآخر وخليكن على ماإنتوا ومتل ماقالت الست رهف :"الشجرة المثمرة هي وحدها التي ترجم"
ربا.
وبهنيكون على شجاعتكن لإنو عبتوصلوا صوت المظلومين للناس بدون خوف من حدى وعمقول شجاعة لإنو بهالأيام قليل لنلاقي حدى بوصل صوت مظلوم
نحنا معكن للآخر وخليكن على ماإنتوا ومتل ماقالت الست رهف :"الشجرة المثمرة هي وحدها التي ترجم"
ربا.
أرسلت بواسطة جوني, أبريل 27, 2010
نصيحة يا حبيباتي - عطو الدعم يلي أخدتوا لأهالي المتضررين أحسن ما تاكلوا الكم بالآخر - وأنا بأكدلكم إنكم رح تاكلو أصابيعكم ندامة
أرسلت بواسطة حسام, أبريل 27, 2010
الكل شاهد وأولهم لاعبين النادي على المسبات(من تحت الزنار) الي كنت تسبهم فيها أيام ما كنت تدربهم - بحب قلك يا أفندي إنو الرياضة أخلاق مو سب .
أرسلت بواسطة troy رامي, أبريل 27, 2010
يعني ياريت ما نشرتوا هالمقالة لانو رجعنا لنفس العييييي ايام الهدم ...يعني كان لازم بعد سنة او سنتين على الاقل احتراما لمشاعر الناس يللي راحت ارضن ...ومنييييييحة..
أرسلت بواسطة جرماني قرفان, أبريل 26, 2010
السيد وليد القاق رئيس نادي جرمانا للتجارة والعقارات .
اتوجه بداية بطلب خاص منك انو ( تحل عن سما جرمانا الرياضي ) لانها تحولت الى جريدة ناطقة باسمك
والطلب التاني حاجة تدافع عن عملتكن المخجلة بحق اهل جرمانا ,
وبعدين سمعت انو بدكن توقفوا دوري العائلات مشان ما يصير في حساسيات بين العائلات بجرمانا , لك يا حبيبي على مين ؟؟ قول انك خايف تطلع من المولد بلا حمص وانك مو قدران تشوف الفشل اللي وصلتلوا الرياضة بجرمانا ,
اتوجه بداية بطلب خاص منك انو ( تحل عن سما جرمانا الرياضي ) لانها تحولت الى جريدة ناطقة باسمك
والطلب التاني حاجة تدافع عن عملتكن المخجلة بحق اهل جرمانا ,
وبعدين سمعت انو بدكن توقفوا دوري العائلات مشان ما يصير في حساسيات بين العائلات بجرمانا , لك يا حبيبي على مين ؟؟ قول انك خايف تطلع من المولد بلا حمص وانك مو قدران تشوف الفشل اللي وصلتلوا الرياضة بجرمانا ,
أرسلت بواسطة فاعل خير, أبريل 26, 2010
مشكور رئيس النادي على المنشأة الرائعة فعلاً جميلة ؟؟؟؟؟؟؟؟؟
خليت الناس تطلع من بيوتا وهجمت علين متل هجوم المافيا الأمريكية و ما حن قلبك عليهن , !!!!!!!!!
خليت الناس تطلع من بيوتا وهجمت علين متل هجوم المافيا الأمريكية و ما حن قلبك عليهن , !!!!!!!!!
أرسلت بواسطة .رهف, أبريل 26, 2010
معلشي انا بدي اسأل
ازا اجا الواحد وبدو يكتب مقال عنكون يا نادي جرمانا وفي انتقاد لوليد القاق بتنشروا .. ؟
اكيد لأ
انا يا جماعة والدي كان من اوائل الاقلام يلي كتبت بجرمانا الرياضي
والكل بيعرف كيف صارت الناس يلي مرضي عليا بس يلي كامشة هاد الموضوع
اما بقية العالم فصارت برا
بقا لاتقول منهجية واعلام ومدري شو لانو حارتنا ديقة و منعرف بعض منيح
رهف.
ازا اجا الواحد وبدو يكتب مقال عنكون يا نادي جرمانا وفي انتقاد لوليد القاق بتنشروا .. ؟
اكيد لأ
انا يا جماعة والدي كان من اوائل الاقلام يلي كتبت بجرمانا الرياضي
والكل بيعرف كيف صارت الناس يلي مرضي عليا بس يلي كامشة هاد الموضوع
اما بقية العالم فصارت برا
بقا لاتقول منهجية واعلام ومدري شو لانو حارتنا ديقة و منعرف بعض منيح
رهف.
أرسلت بواسطة لؤي , أبريل 26, 2010
تعرضت مجلة جرمانا الرياضي في بداية مقالها الى موضوع المواقع التي تابعت هذه القضية
اولا كذبت جرمانا الرياضي في موضوع متابعتها لهذه القضية فهي لم تقدم سوى لقاء يتيم مع مصعب الحلبي قبل بروز المشكلة
اليوم تهاجم جرمانا الرياضي المواقع التي رصدت الجانب الآخر من المشكلة وعلى رأسها هذا الموقع هل تعرفون لماذا ؟
لانها بدأت ترى فيه وسيلة اعلامية تعرض الجانب الذي يريد النادي ان يخفيه عن الناس في هذا الموضوع.
يعني باينة وما بدا تنين يحكو فيا
وجد شجاعة منكون يا شباب تعرضوا هالمادة هون مع انو فيا حكي عليكون.
اولا كذبت جرمانا الرياضي في موضوع متابعتها لهذه القضية فهي لم تقدم سوى لقاء يتيم مع مصعب الحلبي قبل بروز المشكلة
اليوم تهاجم جرمانا الرياضي المواقع التي رصدت الجانب الآخر من المشكلة وعلى رأسها هذا الموقع هل تعرفون لماذا ؟
لانها بدأت ترى فيه وسيلة اعلامية تعرض الجانب الذي يريد النادي ان يخفيه عن الناس في هذا الموضوع.
يعني باينة وما بدا تنين يحكو فيا
وجد شجاعة منكون يا شباب تعرضوا هالمادة هون مع انو فيا حكي عليكون.
أرسلت بواسطة جرماني قرفان, أبريل 26, 2010
يعني ما بعرف انو رئيس النادي شو بدو . خلص يروح يحل عنا ومبروك عليه وعلى ناديه المركز الرياضي الخطير اللي رح يصير بجرمانا
وعلى فكرة عندي سؤال انو رئيس النادي كيف بيلاقي وقت ليشتغل بمجلس المدينة وبالنادي وما بعرف وين . وكمان ملاقي وقت يعمل لقاءات بجريدة النادي . اي يسلملي ريتو شو حبيتو
وعلى فكرة عندي سؤال انو رئيس النادي كيف بيلاقي وقت ليشتغل بمجلس المدينة وبالنادي وما بعرف وين . وكمان ملاقي وقت يعمل لقاءات بجريدة النادي . اي يسلملي ريتو شو حبيتو
أرسلت بواسطة بنت البلد يلي خليت من أهل النخوة, أبريل 26, 2010
أنت ياسيد عمبتبالغ بكلامك :...نحنا ما اطلعنا من بيوتنا برضانا نحنا اطلعنا غص من عنا وما طلعنا بأريحيه وخاصة بعد ماجبتولنا فوق 2000 عنصر وهبطوا فوق غراضنا واوعينا يلي مالحقنا نشيلها وبرأيك (هي إسمها أريحية!!!!هي أريحية لإلك وليلي معك بس)
وسكرتو الشوارع وحاصرتونا من كل الجهات منشان ما حدا يقرب يفزعلنا حتى المحامي تبعنا بسإيجا حطوا بالسيار (وعبتقول أريحية!)حاجة مسخرة عاد كل أهل جرمانا بتشهد....
وحاجة زعبرة ونفاق إنتو ماعطيتونا لاشريحة ولاشي بسحاولتوا اتعلقوا بينا وبين بيت عمنا يلي سحبو القواليش على مخفر الشرطة بسإيجا يحطلنا الخيمة يلي اعملناها لنقعد فيها بالشريحة يلي بدكن تاخدوها منهن.....وياريت كل أهل جرمانا يطلعوا وشوفوا وين قاعدين يلي اتهبطوا بيوتهن منشان يعرفوا الحقيييقة...
قبل ماتسألوا على راحة رياضيين جرمانا اسألوا على أهل بلدكن يلي صفوا بلا بيوت يقعدوا فيها ..لإنو أنا أكيدة إنو مافي رياضي حقيقي حيفوت على منشأة ثمنها تشريد ناس وضميروا مرتاح..إلا الرياضي الفاسد من جواتوا..
ولو كتير سائلين عراحتنا كأهل جرمانا كنتوا أمنتولنا بيوت قبل ما اتهدولنا بيوتنا وعطيتونا الشريحة قبل الهد ...بسأنتوا بتسألوا على ناس دون ناس..!!!
وبحب خبرك ياسيد وليد ستي بتنام عمتشكي الله عليكن وبتفيق عمتددعي هي وولادها وكل واحد من أحفادها وعلى كل واحدإلو يد بهالمصيبة مو الإنجاز..!
الله اكبر منا ومنكن وقادر ياخدلنا حقنا منكن...
وسكرتو الشوارع وحاصرتونا من كل الجهات منشان ما حدا يقرب يفزعلنا حتى المحامي تبعنا بسإيجا حطوا بالسيار (وعبتقول أريحية!)حاجة مسخرة عاد كل أهل جرمانا بتشهد....
وحاجة زعبرة ونفاق إنتو ماعطيتونا لاشريحة ولاشي بسحاولتوا اتعلقوا بينا وبين بيت عمنا يلي سحبو القواليش على مخفر الشرطة بسإيجا يحطلنا الخيمة يلي اعملناها لنقعد فيها بالشريحة يلي بدكن تاخدوها منهن.....وياريت كل أهل جرمانا يطلعوا وشوفوا وين قاعدين يلي اتهبطوا بيوتهن منشان يعرفوا الحقيييقة...
قبل ماتسألوا على راحة رياضيين جرمانا اسألوا على أهل بلدكن يلي صفوا بلا بيوت يقعدوا فيها ..لإنو أنا أكيدة إنو مافي رياضي حقيقي حيفوت على منشأة ثمنها تشريد ناس وضميروا مرتاح..إلا الرياضي الفاسد من جواتوا..
ولو كتير سائلين عراحتنا كأهل جرمانا كنتوا أمنتولنا بيوت قبل ما اتهدولنا بيوتنا وعطيتونا الشريحة قبل الهد ...بسأنتوا بتسألوا على ناس دون ناس..!!!
وبحب خبرك ياسيد وليد ستي بتنام عمتشكي الله عليكن وبتفيق عمتددعي هي وولادها وكل واحد من أحفادها وعلى كل واحدإلو يد بهالمصيبة مو الإنجاز..!
الله اكبر منا ومنكن وقادر ياخدلنا حقنا منكن...
أرسلت بواسطة جويل, أبريل 26, 2010
-إلى وليد القاق :
بدي إسألك سؤال :مزالك كتير خايف وسائل على حقوق الناس يلي اتضرروا ليش ماأمنتلن إنت ومصعب الحلبي والمحافظ بيوت وسلمتوهن الشريحة قبل ما اتهدولن بيوتن وتزتوهن بالشارع وتخلوهن بلا بيوت؟؟؟؟!!! .....
وألا انسينا بدكن تلحقوا حالكن بالدعم يلي إيجا للمنشآة قبل مايروح عليكن وخلي أهل بلدنا بلا بيوت هنن وولادن الصغار !!!ليش لنسأل عليهن..... بس معكن حق ما تسألوا عليهن !!بتعرف ليش ؟؟؟؟
-لإنو نحنا صرنا بزمن بخوف في- الأخ بياكل حق أخو وجرمانا خليت من أهل النخوة والكرامة..
بسياحيف على هيك زمان وهيك جرمانا ..وينكن ياأهلينا زمان أهل النخوات تشوفوا شو عبصير بجرمانا....
هلق صار فينا نقول الله يرحمك ياجرمانا الله يررحمككك...
بدي إسألك سؤال :مزالك كتير خايف وسائل على حقوق الناس يلي اتضرروا ليش ماأمنتلن إنت ومصعب الحلبي والمحافظ بيوت وسلمتوهن الشريحة قبل ما اتهدولن بيوتن وتزتوهن بالشارع وتخلوهن بلا بيوت؟؟؟؟!!! .....
وألا انسينا بدكن تلحقوا حالكن بالدعم يلي إيجا للمنشآة قبل مايروح عليكن وخلي أهل بلدنا بلا بيوت هنن وولادن الصغار !!!ليش لنسأل عليهن..... بس معكن حق ما تسألوا عليهن !!بتعرف ليش ؟؟؟؟
-لإنو نحنا صرنا بزمن بخوف في- الأخ بياكل حق أخو وجرمانا خليت من أهل النخوة والكرامة..
بسياحيف على هيك زمان وهيك جرمانا ..وينكن ياأهلينا زمان أهل النخوات تشوفوا شو عبصير بجرمانا....
هلق صار فينا نقول الله يرحمك ياجرمانا الله يررحمككك...
أضف تعليق
